Ի տարբերություն Օզիլի, Մխիթարյանը երբեք չի կորում խաղադաշտում

Անգլիայի առաջնության 31-րդ տուրից տեղափոխված «Լեսթեր Սիթի» - «Արսենալ» խաղի մեկնաբանությունում football.london-ը արժանին է մատուցել է լոնդոնյան ակումբի եւ Հայաստանի հավաքականի կիսապաշտպան Հենրիխ Մխիթարյանին:

«Ամեն անգամ Հենրիխ Մխիթարյանի խաղը տեսնելիս մտածում ես, թե ինչքան հաջող գործարք էր «Արսենալի» համար հայ ֆուտբոլիստի տրանսֆերը հունվարին:

«Լեսթերի» դեմ խաղում Մխիթարյանը հրաշալի էր, թեեւ գրոհների եզրափակիչ փուլում հաջողություն չունեցավ:

Սակայն Մխիթարյանը միշտ խաղային գործընթացի մեջ է: Նա միշտ գտնում է փոխանցում ընդունելու հնարավորություն եւ խնդրում այդ փոխանցումը: Նա ունի բացառիկ տեխնիկա: Ի տարբերություն Օզիլի, Հենրիխը երբեք չի կորում խաղադաշտում»,- գրում է կայքը:

Հիշեցնենք, որ 10–րդ րոպեից 10 ֆուտբոլիստներով մնացած «Արսենալը» արտագնա խաղում պարտվել է 1։3 հաշվով, Մխիթարյանն անցկացրել է ամբողջ հանդիպումը։