Փաշինյանի մոտեցումները ԼՂ հարցի վերաբերյալ
«Իմ քայլը» նախաձեռնության առաջնորդ, Հայաստանի վարչապետի թեկնածու Նիկոլ Փաշինյանի կարծիքով ԼՂ հարցի վերաբերյալ փոխզիջման որևէ տարբերակ քննարկելի է միայն այն պարագայում, եթե Ադրբեջանը շատ հստակ ուղերձ հղի, որ պատրաստ է ճանաչել Լեռնային Ղարբաղի ժողովրդի ինքնորոշման իրավունքը:
Այս մասին Փաշինյանը հայտարարեց՝ պատասխանելով «Ծառուկյան» խմբակցության պատգամավոր Տիգրան Ուրիխանյանի հարցին, թե ինչ մոտեցումներ և լուծումներ ունի Լեռնային Ղարաբաղի հարցի վերաբերյալ:
«Էն մթնոլորտում, երբ որ Ադրբեջանը սպառնում է վերացնել հայկական պետականությունը, այդ մթնոլորտում փոխզիջման մասին խոսելը մի փոքր տարօրինակ է։ Այս պայմաններում մենք կարող ենք խոսել միայն սեփական պետության և երկրի պաշտպանունակությունը բարձրացնելու մասին, իսկ փոխզիջման որևէ տարբերակ քննարկելի է միայն այն պարագայում, եթե Ադրբեջանը շատ հստակ ուղերձ հղի, որ պատրաստ է ճանաչել Լեռնային Ղարբաղի ժողովրդի ինքնորոշման իրավունքը», - հայտարարեց Նիկոլ Փաշինյանը՝ ընդգծելով․ ֊ «Ուրիշ որևէ տարբերակ չկա»: