Հենրիխ Մխիթարյան. Շատ ուրախ եմ, որ խփեցի առաջին գոլս «Արսենալում»
Իտալական «Միլանի» նկատմամբ Եվրոպայի լիգայի 1/8 եզրափակիչի առաջին խաղում 2։0 հաշվով հաղթանակից հետո Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանը պատմել է տպավորությունների մասին։
«Մենք գերազանց խաղացինք առաջին խաղակեսում։ Կարծում եմ՝ երկրորդ խաղակեսում բավականաչափ կենտրոնացած չէինք եւ չցուցադրեցինք մեր խաղը։ Բայց գլխավորն այն է, որ հասանք գերազանց արդյունքի։
Շատ կարեւոր է, որ գոլ բաց չթողեցինք եւ արտագնա խաղում երկու անգամ գրավեցինք մրցակցի դարպասը։ Այժմ պետք է պատրաստվենք «Ուոթֆորդի» դեմ խաղին, իսկ հետո դարձյալ «Միլանի» դեմ։ Գիտենք, որ պատասխան խաղում հեշտ չի լինի, բայց կանենք հնարավոր ամեն ինչ, որպեսզի դուրս գանք հաջորդ փուլ։
Ամեն ֆուտբոլիստ էլ ցանկանում է զգալ «Սան Սիրոյի» նման ստադիոնի մթնոլորտը։ Մենք շատ շնորհակալ ենք մեր երկրպագուներին, որոնք մեզ աջակցելու համար ժամանել էին Միլան։
Շատ ուրախ եմ, որ խփեցի առաջին գոլս «Արսենալի» կազմում։ Պետք է շարունակեմ նույն ոգով»,– Մխիթարյանի խոսքը մեջբերում է անգլիական ակումբի պաշտոնական կայքը։
Հիշեցնենք, որ Մխիթարյանը բացել էր «Միլանի» հետ հանդիպման հաշիվը՝ օգտագործելով Գերմանիայի հավաքականի կիսապաշտպան Մեսութ Օզիլի փոխանցումը։
Լույսն ամենաթանկ նվերն է, որ կարող ես տալ մարդուն
Առաջին նոր երգ` հարսանիքից հետո
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Ով կներկայացնի Հայաստանն այս տարի «Մանկական Եվրատեսիլ» մրցույթում
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...