Մխիթարյանը գոլ խփեց ուրախացնելով թուրք մեկնաբանին, իսկ «Արսենալը» հաղթեց (Տեսանյութ)

Եվրոպայի լիգայի 1/8-րդ եզրափակիչ առաջին խաղում Հենրիխ Մխիթարյանի «Արսենալը» մրցակցի դաշտում 2:0 հաշվով հաղթեց «Միլանին»:

Հենրիխ Մխիթարյանը դարձավ գոլի հեղինակ, իսկ մեկ անգամ էլ նրա հարվածից հետո գնդակը դիպավ դարպասաձողին: Եվրոպայի լիգայում Մխիթարյանը խփել է ինը գոլ եւ կատարել վեց գոլային փոխանցում:

Մյուս գոլը լոնդոնցիներից խմեց Ռեմզին: Ի դեպ, Մխիթարյանի գոլը ուրախացրեց նաեւ թուրք մեկնաբանին: Կարող եք համոզվել ինքներդ:

Ցավոք, հայ ֆուտբոլասերների տրամադրությունը գցեց «Շանթ» հեռուստաընկերությունը, որ թույլ չտվեց, որ հայ ֆուտբոլասերները դիտեն Եվրոպայի լիգայի մյուս հանդիպումները: Սա պարզապես խուլիգանություն է եւ ծաղր հայ ֆուտբոլասերների նկատմամբ: Կարծում ենք մեր պետության համապատասխան կառույցները պետք է վերջապես միջամտեն այս կամայակայությանը եւ տեղը դնեն ագահ հեռուստաընկերություններին:

Top-News.am