Օլիմպիական խաղերին Հյուսիսային Կորեայի երկրպագուհիներին անգամ զուգարան են ուղեկցում

Փհենչհանում Օլիմպիական խաղերին Հյուսիսային Կորեայի մասնակցությամբ բոլոր մրցաշարերին ներկա է աջակցության մեծաքանակ խումբ` նույն համազգեստներով աղջիկներ, ովքեր համաժամանակ ծափահարում են եւ շարժվում են տրիբունաներում, գրում է The New York Times-ը:

229 աղջիկներից բաղկացած խմբին զգուշորեն պահպանում է Հարավային Կորեայի բուրժուական իրականության հետ ցանկացած շփումից:

Աղջիկները հասարակական վայրերում առանց ուղեկցության չեն հայտնվում, նույնիսկ տրիբունաներում նրանց կողքին տղամարդիկ են նստում՝ շրջափակելով նրանց այլ այցելուների հետ հաղորդակցվելուց: Նրանք ունեն հրահանգիչ, որը ցույց է տալիս, թե երբ է պետք գոռալ կարգախոսները, երբ ծափահարել, եւ երբ հայրենասիրական երգեր երգել:

Մինչեւ հոկեյի խաղի մեկնարկը եւ նրանից հետո, The New York Times-ը գրում է, որ աղջիկներին թույլատրում էին զուգարան գնալ, բայց միայն խմբերով եւ տղամարդկանց ուղեկցությամբ:

Մարզադաշտում նրանք իրենց այնպես են պահել, որ կարծես շուրջը ոչինչ չի կատարվում:

Աղջիկներին չեն վճարում, իսկ մրցումների նախապատրաստմանը նրանք ամիսներ են ծախսում: