Հայտնաբերվել է 4 հազար 400 տարվա դամբարան

Եգիպտոսում, Գիզայի բուրգերի համալիրի մոտակայքում հայտնաբերել են 4 հազար 400 տարվա դամբարան, տեղեկացնում է եգիպտական Ahram-ը: 

«Սա 2018-ին արված առաջին հայտնագործությունն է»,- ասել է Եգիպտոսի կառավարության ներկայացուցիչը: 

Դամբարանը գտնվում է Հին թագավորության (2686-2181) դամբարանադաշտում: Ենթադրվում է, որ դամբարանը պատկանում է Հեթփետ անունով բարձրաստիճան քրմուհու: Նա բավական մոտ է եղել թագավորական ընտանիքին՝ 5-րդ արքայատան (2504-2347) կառավարման տարիներին:

Դամբարանը կառուցված է կավե աղյուսից, իսկ պատերը ծածկված են լավ պահպանված նկարներով: Հեթփեթը նկարներով հետեւում է որսի եւ ձկնորսության տեսարաններին, ինպես նաեւ ընծաներ է ընդունում երեխաքներից: 

Քրմուհու արձանը հնագետները չեն հայտնաբերել: 

Պատերին առկա են նաեւ միրգ հավաքող կապիկների նկարներ: Կապիկները Եգիպտոսում տարածված ընտանի կենդանիներ էին:  

Հետաքրքիրն այն է, որ դամբարանում չի գտնվել քրմուհու մումիան, ենթադրվում է, որ նա ունի նաեւ մեկ այլ դամբարան, որտեղ եւ գտնվում է մումիան ու արձանը: 

Top-News.am

Այս թեմայով Եգիպտոսի նախագահը խստացնում է սոցցանցերի վերահսկողությունը Եգիպտոսում հազվագյուտ ոսկե մետաղադրամներ են հայտնաբերվել Եգիպտական իշխանությունները երկարաձգել են արտակարգ դրությունը Գտնվել է Թութանհամոնի 12-ամյա խորհրդավոր կնոջ գերեզմանը Եգիպտոսում այսօր նախագահական ընտրություններ են