Եգիպտոսում այսօր նախագահական ընտրություններ են

Այսօր Եգիպտոսում նախագահական ընտրություններ են, որոնց մասնակցում է նաև երկրի գործող նախագահ 63-ամյա Աբդել Ֆաթահ ալ-Սիսին:

Նախագահական ընտրություններն այդ երկրում տևելու են երեք օր, յուրաքանչյուր օր ընտրատեղամասերը գործելու են 12 ժամ, և մոտ 60 միլիոն գրանցված ընտրողներ պետք է որոշեն, թե ով է նախագահելու Եգիպտոսում հաջորդ չորս տարում:

Դիտորդները չեն կասկածում, որ ալ-Սիսին կհայտարարվի հաղթող:

Նա ունի մեկ մրցակից՝ Մուսա Մուստաֆա Մուսան, ով որպես թեկնածու գրանցվել է վերջին օրը։ Տեղի լրատվամիջոցների բնորոշմամբ, նա սակավ հայտնի է և նրա մասնակցությունը կրում է ձևական բնույթ:

Ընդդիմադիր գործիչները կա՛մ հրաժարվել են մասնակցել ընտրություններին, կա՛մ նրանց արգելվել է գրանցվել որպես թեկնածու:

Այս թեմայով Եգիպտոսի նախագահը խստացնում է սոցցանցերի վերահսկողությունը Եգիպտոսում հազվագյուտ ոսկե մետաղադրամներ են հայտնաբերվել Եգիպտական իշխանությունները երկարաձգել են արտակարգ դրությունը Գտնվել է Թութանհամոնի 12-ամյա խորհրդավոր կնոջ գերեզմանը Եգիպտոսում պայթյունի հետեւանքով ոստիկան է զոհվել