ՓԾ տնօրենն աշխատանքային այցով գտնվել է Տավուշում
Մայիսի 7-ից 8-ը ՆԳՆ փրկարար ծառայության տնօրեն-ՆԳ նախարարի տեղակալ Արամ Ղազարյանը աշխատանքային այցով գտնվել է Տավուշի մարզում։ Այս մասին հայտնում է ՆԳ նախարարությունը։
Փրկարար ծառայության տնօրենը հանդիպել է Տավուշի մարզային փրկարարական վարչության հրշեջ- փրկարարական ջոկատների, ինչպես նաև քաղաքացիական պաշտպանության ուժերի հավաքական կենտրոնի հատուկ օբյեկտների պահպանության խմբերի անձնակազմերի հետ, ծանոթացել ստորաբաժանումների պատրաստվածությանը, տեխնիկական հագեցվածությանն ու առկա խնդիրներին։ Քննարկվել են ծառայության արդյունավետության բարձրացմանն ու աշխատանքային պայմանների բարելավմանն առնչվող հարցեր։ Ընդգծվել է հատուկ օբյեկտների պահպանության կարևորությունը՝ որպես հանրային անվտանգության ապահովման և հնարավոր արտակարգ իրավիճակների կանխարգելման կարևոր բաղադրիչ։
Երկօրյա այցի ընթացքում Արամ Ղազարյանը Տավուշի մարզում այցելել է նաև հրշեջ-փրկարարական ստորաբաժանումներ, ծանոթացել շենքային և գույքային պայմաններին, ծառայության կազմակերպմանը։ Արամ Ղազարյանը անդրադառնալով Փրկարար ծառայության վերափոխման հայեցակարգային մոտեցումներին՝ հանձնարարել է ուշադրություն դարձնել հատկապես հատուկ տեխնիկական ուսումնավարժությունների ու վերապատրաստման դասընթացների պատշաճ կազմակերպմանը։
Փրկարար ծառայության տնօրենն անդրադառնալով ծառայողների ատեստավորման գործընթացին՝ ընդգծել է, որ մասնագիտական կարողությունների զարգացման և ծառայության արդյունավետության բարձրացման տեսանկյունից ատեստավորումն առանձնապես կարևոր է։ Նա հորդորել է ակտիվորեն մասնակցել ատեստավորմանը՝ նշելով, որ այն հնարավորություն է ոչ միայն կատարելագործելու մասնագիտական հմտությունները, այլև բարելավելու սոցիալական երաշխիքները։
Քննարկվել են նաև ծառայության արդյունավետության բարձրացմանը, անձնակազմի մասնագիտական կարողությունների զարգացմանն ու անվտանգ աշխատանքային միջավայրի ապահովմանը վերաբերող հարցեր։ Մարզային փրկարարական վարչությունում տեղի ունեցած խորհրդակցության ժամանակ ընդգծվել է արտակարգ իրավիճակներում արագ արձագանքման կարողությունների զարգացումը, արձագանքման ժամանակի կրճատումը, հրշեջ-փրկարարական ստորաբաժանումների համակարգված գործելու անհրաժեշտությունը։ Ընդգծվել է անձնակազմի պատասխանատու աշխատանքի, փոխգործակցության ամրապնդման կարևորությունը։
Փրկարար ծառայության տնօրենը մարզային վարչության ղեկավար կազմին տվել է կոնկրետ հանձնարարականներ։
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
Ակադեմիական քաղաքի տարածքում հայտնաբերվել է հնագույն բնակավայր
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
ՀՀ ԱԺ իններորդ գումարման առաջին նստաշրջան - 02.08.2026
Ֆրանսիայում անտառային հրդեհների հետ կապված ձերբակալվել է 375 մարդ
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
ՀՀ Կառավարության կազմը
Երբ պետության համակրանքը չի դառնում փոխադարձ պարտավորություն․ Նասիմ Թալեբը` Բաքու չմեկնելու մասին
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը