Ունեցել ենք բիոմետրիկ համակարգ, բայց այն որևէ աղերս չունի կենսաչափական համակարգի հետ. ՆԳ նախարար
Վերջին շրջանում ԵՄ երկրներ այցելած ՀՀ քաղաքացիները կնկատեն, որ ԵՄ-ն խստացրել է կենսաչափական անձնագրերի մասով քաղաքականությունը, և մուտք գործելու պայմաններում շատ ու շատ քաղաքացիներ նաև կենսաչափական տվյալներ են հանձնում ԵՄ տարածքում՝ սահմանին: Այդ մասին Ազգային ժողովում ասաց ՆԳ նախարար Արփինե Սարգսյանը՝ պատասխանելով «Քաղաքացիական պայմանագիր» խմբակցության պատգամավոր Բաբկեն Թունյանի հարցին, թե ինչքանով է կարևոր կենսաչափական անձնագրերի ներդրումը վիզաների ազատականացման համատեքստում:
«Սա թույլ է տալու մեզ ավելի սինքրոն աշխատել ԵՄ-ի հետ, անձի ինքնությունն ավելի ճշգրիտ անցկացնել և ԵՄ-ի համար ավելի հուսալի գործընկեր լինել, և մեր քաղաքացիները շատ ավելի արժանապատիվ կերպով կկարողանան ճանապարհորդել»,- ասաց նախարարը՝ նշելով, որ ՀՀ-ն այս առումով ունի առաջանցիկ տեմպեր:
Բաբկեն Թունյանի մեկ այլ հարցի, թե շատ քաղաքացիներ ասում են՝ նախկինում ունեցել են կենսաչափական անձնագրեր, այդ դեպքում նախկինում տրամադրված անձնագրերը և նոր սերնդի անձնագրերն ինչո՞վ են իրարից տարբերվում, տեխնիկական առումով նորերն ի՞նչ չափանիշներ ունեն, Արփինե Սարգսյանը պարզաբանեց՝ ունեցել ենք բիոմետրիկ համակարգ, բայց այն որևէ աղերս չունի կենսաչափական համակարգի հետ, որովհետև այն որևէ ձևով չի հավաքագրել տվյալներ, որոնք անհրաժեշտ են այսպիսի համակարգի համար:
«Մենք տարիներ շարունակ ՀՀ քաղաքացիներին տրամադրել ենք անունով, դեկլարատիվ բիոմետրիկ անձնագրեր, որոնք որևէ ձևով ԻԿԱՕ-ի ստանդարտներին չեն համապատասխանել այս առումով: Բայց ես ուզում եմ վստահեցնել, որ մեր քաղաքացին, երբ 2026 թվականի աշնանը կշոշափի նույնիսկ վիզուալ տարբերակով նոր կենսաչափական անձնագրերը, կնկատի, որ այն որևէ ձևով չի համադրվում նախկինում իր ունեցած թեկուզ անվանումով հայտնի բիոմետրիկ փաստաթղթի հետ»,- ասաց նախարարը:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Գազամատակարարման վթարային դադարեցում Երևանի մի շարք հասցեներում
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը