Երեխաների իրավունքների հետ կապված հարցերը ՀՀ–ում շատ ավելի մեծ ծավալով ու լայն գործիքակազմերով են հասցեավորվում. ՄԻՊ
Դեկտեմբերի 3-ին Մարդու իրավունքների պաշտպան Անահիտ Մանասյանը մասնակցել է «Հայ երեխաներին ցուցաբերվող աջակցության ամրապնդումն արտակարգ իրավիճակներում և դրանից հետո» վերտառությամբ միջոցառմանը և հանդես եկել բացման խոսքով։
Միջոցառումը կազմակերպվել է Եվրոպայի խորհրդի՝ Հայաստանի համար իրականացվող գործողությունների ծրագրի ներքո իրականացվող «Հայ երեխաների իրավունքների պաշտպանությունը հետկոնֆլիկտային համատեքստում» ծրագրի շրջանակներում։
Ողջունելով ներկաներին՝ Անահիտ Մանասյանը կարևորել է երեխաների իրավունքների պաշտպանության հարցերին առաջնահերթ ուշադրություն դարձնելու հանգամանքը։ Այս համատեքստում հատուկ ընդգծել է, որ չնայած այսօր էլ բազմաթիվ են կարծրատիպային մոտեցումները, որ սա իրավունքների պաշտպանության համակարգի առաջնահերթ ոլորտներից չէ, սակայն միանշանակ է, որ պետական մարմինների և միջազգային դերակատարների կողմից այժմ երեխաների իրավունքների հետ կապված հարցերը Հայաստանում շատ ավելի մեծ ծավալով ու լայն գործիքակազմերով են հասցեավորվում:
«Երեխաների իրավունքների պաշտպանությունը Մարդու իրավունքների պաշտպանի գործունեության առաջնահերթ ուղղություններից է։ Մենք աշխատում ենք ոչ միայն երեխաների համար, այլ նաև երեխաների հետ։ Այս համատեքստում ցանկանում եմ հատուկ ընդգծել Մարդու իրավունքների պաշտպանին առընթեր երեխաների իրավունքների պաշտպանության հարցերով հասարակական խորհրդի դերը ոլորտի զարգացման և ամրապնդման գործում։ Այն հռչակագրային կառույց չէ, այլ ակտիվորեն գործող խորհուրդ, որի շրջանակներում մենք շարունակաբար իրականացնում ենք տարատեսակ ծրագրեր։ Խորհրդի գործունեության շրջանակներում մի շարք ծրագրային միջոցառումներ իրականացրել ենք Եվրոպայի խորհրդի նշված ծրագրի շրջանակներում: Ծրագիրը դերակատարություն է ունեցել նաև ՄԻՊ աշխատակազմի կարողությունների զարգացման տեսանկյունից»,- ընդգծել է Անահիտ Մանասյանը։
Բացման խոսքով հանդես է եկել Հայաստանում ԵԽ գրասենյակի ղեկավար Մաքսիմ Լոնգանգեն, Աշխատանքի և սոցիալական հարցերի նախարարի տեղակալ Տաթևիկ Ստեփանյանը, Կրթության, գիտության, մշակույթի և սպորտի նախարարի տեղակալ Արաքսիա Սվաջյանը և Առողջապահության նախարարի տեղակալ Արմեն Գասպարյանը։
Համաժողովի շրջանակում տեղի ունեցած թեմատիկ քննարկմանը մասնակցել է ՄԻՊ աշխատակազմի կոնվենցիոն մանդատների ապահովման վարչության պետի պարտականությունները կատարող Լիլիթ Աղաջանյանը։ Անցկացվել է նաև երեխաների համար գործնական սեմինար՝ ՄԻՊ-ին առընթեր երեխաների իրավունքների պաշտպանության հարցերով հասարակական խորհրդի անդամների մասնակցությամբ։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...