Ռուսաստանի հետ հակամարտnւթյnւնում Ուկրաինայի պարտությունն անխուսափելի է. Դրիսկոլ

Ռուսաստանի հետ հակամարտությունում Ուկրաինայի պարտությունն անխուսափելի է, հայտարարել է ԱՄՆ բանակի նախարար Դանիել Դրիսկոլը Կիևի իշխանություններին: Այս մասին հաղորդել է NBC News-ը՝ հղում անելով աղբյուրներին:

Նրանց տեղեկությունների համաձայն՝ անցյալ շաբաթ Կիև կատարած այցի ժամանակ Դրիսկոլը Ուկրաինայի մարտադաշտում ստեղծված իրավիճակը բնութագրել է որպես ծայրահեղ ծանր և զգուշացրել, որ նրա զինված ուժերն անխուսափելի պարտություն կկրեն։ Նա նաև ասել է, որ Ուկրաինայի իրավիճակը ժամանակի ընթացքում միայն կվատանա, և, հետևաբար, Կիևը կշահի խաղաղության բանակցությունները սկսելուց հիմա, այլ ոչ թե ավելի վատ իրավիճակում հայտնվելուց հետո։

Բացի այդ, ամերիկյան պատվիրակությունը տեղեկացրել է, որ ԱՄՆ ռազմարդյունաբերական համալիրը չի կարող շարունակել Ուկրաինային մատակարարել զենք և ՀՕՊ համակարգեր այն քանակությամբ, որը նրան անհրաժեշտ է։

Ինչպես ավելի վաղ հայտնել էր CBS News-ը՝ հղում անելով աղբյուրներին, Դրիսկոլը հանդիպումներ է ունեցել Ռուսաստանի ներկայացուցիչների հետ Աբու Դաբիում: Պենտագոնը հետագայում հաստատել է այս տեղեկությունը՝ նշելով, որ Ուկրաինայի կարգավորման վերաբերյալ խորհրդակցություններ են տեղի ունեցել երկուշաբթի երեկոյան և երեքշաբթի օրը: Ռուսաստանի նախագահի մամուլի քարտուղար Դմիտրի Պեսկովը երեքշաբթի օրը հայտարարել է, որ Կրեմլը ուշադիր հետևում է Աբու Դաբիում Ռուսաստանի և ԱՄՆ ներկայացուցիչների միջև շփումների մասին լրատվամիջոցների հաղորդագրությունների տարածմանը: