Իկոնայի պես նկարս բռնած գնում, գալիս ա. Քոչարյանը՝ Փաշինյանի կողմից իր նկարը ցուցադրելու մասին

Տարիներ առաջ Տանզանիայում արված լուսանկար է: ՀՀ երկրորդ նախագահ Ռոբերտ Քոչարյանը Երեւանում իր համակիրների հետ հանդիպման ժամանակ անդրադարձել է առյուծի վրա նստած հայտնի լուսանկարի պատմությանը, որը իր քարոզարշավի ժամանակ ցուցադրել էր Նիկոլ Փաշինյանը:

«Մի շատ հայտնի, համաշխարհային համբավ ունեցող մարդու հրավերով է եղել, իր ընտանիքի հրավերով Տանզանիայում անցկացրել եմ մեկ շաբաթ, իմ նախագահության տարիներին չի եղել: Ի դեպ ասեմ, որ նման հայտնի շատ մարդկանց հետ շփում ունեմ, նրանք են ինձ հրավիրել, ես եմ նրանց հրավիրում եւ ասեմ, որ սա շատ մեծ ներդրումայիյ հոսքեր է ապահովելու, քանի որ կարեւոր է վստահությունը ինչպես երկրի առաջին դեմքի, այնպես էլ երկրի նկատմամբ: Ես երբեք չեմ էլ թաքցրել, որ որսորդության սիրահար եմ, որսորդմիության անդամ եմ, գրքույկն ունեմ, նաեւ որսորդական զենք ունեմ իմ վրա գրանցված: Բնությունը շատ եմ սիրում, շատ եմ հարգում, դրա համար սեզոնից դուրս որեւէ տեղ որս չեմ արել, որեւէ անօրինական բան այդ առումով չեմ արել»,-ասաց նա:

Քոչարյանը նշեց, որ իրենց այնպիսի հարցեր են տալիս, որոնք պետք է տան իշխանություններին. «Երեւի նրանց հետ հույսեր չեն կապում, որովհետեւ այլ կերպ չես կարողանում բացատրել, թե ինչ նման հարցերը նրանց չեն տալիս: Հիմա եթե ավտոգրաֆ է ուզում, խնդրեմ, կարամ մակագրեմ, ամսի 21-ին, սենց ավտոգրաֆով: Իկոնայի պես նկարս բռնած գնում, գալիս ա»:

Այս թեմայով Ռոբերտ Քոչարյան. «5 մլրդ․ դոլարի մասին խոսակցությունները պարապ խոսակցություններ չեն: Շուշին ոչ թե ընկել է, այլ հանձնել են» Ռոբերտ Քոչարյանը՝ Սուրիկ Խաչատրյանի վերադարձի հավանականության մասին. դուք հումորի լավ զգացում ունեք Այս իշխանության ժամանակ աճել է երեք ցուցանիշ՝ աղքատություն, գերեզմանների թիվ և արտագաղթ․ Ռոբերտ Քոչարյան «Վայ-վայ-վայ». ագարակցին շփոթվեց ու Քոչարյանին Փաշինյան ասաց. (տեսանյութ) Պաշտոնյաներին ստի համար պետք է քրեական պատասխանատվության ենթարկել. Ռոբերտ Քոչարյան