Արտահերթ ընտրությունների համաձայնությունից հետո ՍԴ-ն կարգադրեց վերացնել Ռոբերտ Քոչարյանի նկատմամբ մեղադրանքները․ Le Figaro

Հայաստանյան ներքաղաքական իրականությանն անդրադարձել է ֆրանսիական Le Figaro հեղինակավոր պարբերականը։ Ըստ հրապարակված հոդվածի, առաջիկա հունիսի 20-ին կայանալիք ընտրությունները պետք է վերջ դնեն քաղաքական ցնցումներին, որոնք այժմ ցնցում են Հայաստանը՝ Ադրբեջանի հետ պատերազմից հետո կրած ծանր պարտությունից հետո։ Հոդվածում նշվում է, որ կիրակի Հայաստանի վարչապետ Նիկոլ Փաշինյանը հայտարարել է, որ հրաժարական կտա ապրիլին, եւ կշարունակի իրականացնել վարչապետի լիազորությունները որպես ժամանակավոր պաշտոնակատար, մինչեւ օրենդիր մարմնի ընտրությունները, որոնք կայանալու են հունիսին, որով փորձ է արվելու հանգուցալուծել քաղաքական ճգնաժամը, որը այժմ առկա է Հայաստանում։ Հոդվածում նշվում է, որ Փաշինյանը մի քանի շաբաթ դիմադրում էր ցույցերին եւ հրաժարականի կոչերին։ Հոդվածում ընդգծվում է այն իրողությունը, որ հենց ընդդիմությունն ու իշխանությունը պայմանավորվեցին արտահերթ ընտրությունների հարցի շուրջ եւ հանվեց ռազմական դրությունը, ՍԴ-ն վերացրել մեղադրանքները նախկին նախագահ Ռոբերտ Քոչարյանի հանդեպ։