«Բռնաբարված վարչապետը բռնաբարում է օրենքները». ՀՅԴ անդամները բերման են ենթարկվել զավեշտալի հիմնավորմամբ
Այսօր վաղ առավոտյան կառավարության շենքի մոտ դավաճան վարչապետին հերթական անգամ ըստ պատշաճի «դիմավորման արարողության» ժամանակ բերման են ենթարկվել ՀՅԴ Երևանի Քաղաքային կոմիտեի նախագահ Սարգիս Կարապետյանը և ՀՅԴ անդամ Մհեր Սահակյանը:
Ի դեպ, բերման ենթարկելու ողջ գործընթացը նմանվել է թատերական կամ կրկեսային ներկայացման: Տեսանյութում երևում է՝ ոստիկանները պարզապես մոտեցել են ակցիան իրականացնողների՝ մայթին կանգնած մեքենային և պահանջել հեռանալ: Նրանք այդ պահանջը, ուշադրությո՛ւն, «հիմնավորել են» հետևյալ կերպ. «Նախադեպ կա, որ նախկինում ճանապարհ եք փակել և այժմ էլ կարող է հանկարծ փակեք»:
«Նրանց այս զավեշտալի հիմնավորմանը և պահանջին պարզապես հակադարձեցինք՝ ինչո՞ւ հեռանանք, երբ առանց որևէ խախտման կանգնած ենք մայթին։ Հրամայեցին առանց բացատրության բերման ենթարկել մեզ՝ հրահանգը չկատարելու համար»,- Yerkir.am-ի հետ զրույցում նշեց Սարգիս Կարապետյանը՝ հավելելով, որ «ներկայացման» հաջորդ արարը տեղի է ունեցել Կենտրոնի բաժանմունքում, որտեղ իրենց բերման ենթարկած՝ Արաբկիրի բաժանմունքի ոստիկանները հրաժարվել են զեկուցագիր գրել՝ ասելով, որ Կենտրոնի բաժանմունքի պետի տեղակալն է հրահանգել բերման ենթարկել, թող իրենք էլ գան ու գրեն:
«Նրանց այդ մոտեցմամբ՝ կարող են փողոցում կանգնած ցանկացած մեկին բերման ենթարկել, հետո՝ ձերբակալել, հետո՝ կալանավորել՝ «հիմնավորելով», թե նա կարող էր հանկարծ մարդ սպանել: Իրոք, հիշարժան օրեր ենք ապրում»,- նշեց Սարգիս Կարապետյանը:
Ոստիկանները փաստել են, որ զեկուցագիր գրելու հիմքեր չկան, քանի որ բերման ենթարկվածները որևէ օրինախախտում չեն կատարել:
«Կենտրոնի բաժանմունքում ստիպված փոքրիկ գործ կարեցին մեզ վրա. հրավիրեցին Կենտրոնի բաժանմունքից այլ ոստիկանների, հավանաբար՝ թաղային, որոնք մեզ առաջին անգամ էին տեսնում, և հրահանգեցին գրել զեկուցագիր: 3 ժամ անց մեզ ազատ արձակեցին»,- եզրափակեց ՀՅԴ Երևանի քաղաքային կոմիտեի նախագահը:
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
Լուկաշենկոն խոսել է նախագահի պաշտոնից հեռանալու մասին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
61 միլիոն եվրո․ Մբապեն դատարանում հաղթել է ՊՍԺ–ին
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...