Հայաստանը հրաժարվել է Ռոսսելխոզնադզորի հետ բանակցություններից. ֆերմեր
Ռուսաստան հայկական ապրանքների մուտքի խնդիրը քաղաքական ենթատեքստ ունի. Այս մասին NEWS.am -ի թղթակցի հետ զրույցում ասաց ֆերմեր Հարություն Մնացականյանը։
Նրա խոսքով, եթե նախկինում Ռուսաստանը ստուգումների ժամանակ աչք էր փակում հայկական ապրանքների նկատմամբ, ապա այժմ հսկողություն է իրականացնում այնպես, ինչպես այլ երկրների ապրանքների նկատմամբ։
«Ռոսսելխոզնադզորը մի քանի անգամ ակնարկել է Հայաստանին համատեղ որոշում կայացնելու անհրաժեշտության մասին, սակայն հայկական կողմը մերժել է այդ առաջարկները՝ պատճառաբանելով, որ դա խնդիր է արտադրողի համար։ Հետո խնդիրը խորացավ, և հիմա իշխանությունները փորձում են այս ամենին քաղաքական ենթատեքստ տալ և պատասխանատվությունն իրենցից շեղել»,- նշեց Մնացականյանը։
Էկոնոմիկայի նախարարն ասաց, որ Հայաստանի իշխանությունները մտադիր են հենց նման հանդիպում անցկացնել այս շաբաթ։
«Բայց որքա՞ն վնաս են կրելու տնտեսվարող սուբյեկտները այս ընթացքում։ Ռուսականի նման այդքան մեծ շուկային այդպես չես վերաբերվի»,- կարծում է ֆերմերը։
Նա կոչ արեց ելքեր գտնել ստեղծված իրավիճակից։
«Եթե իշխանություններն առաջարկում են ապրանք վաճառել այլ շուկաներում, ապա առաջին հերթին պետք է համապատասխան պայմաններ ստեղծեն, այդ թվում՝ Եվրամիության կողմից հավատարմագրված լաբորատորիաներ։ Եվրոպական շուկաներ մուտք գործելու տեսանկյունից խնդիրը կապված է լոգիստիկայի, արտադրված արտադրանքի ծավալների հետ և այլն։ Ինչպե՞ս կարելի է նման պայմաններում մուտք գործել եվրոպական շուկա, որտեղ բարձր մրցակցություն կա»,- հավելեց Մնացականյանը։
Ինչ վերաբերում է արաբական շուկային, ապա խնդիրը կապված է Հայաստանից օդային փոխադրումների գների վրա, որոնք տարածաշրջանում բարձր են, պարզաբանեց նա։
Ֆերմերը հիշեց, որ Հայաստանի իշխանությունները երեք տարի է, ինչ խոսում են լաստանավային փոխադրումների մասին։
«Որտե՞ղ են այս լաստանավերը։ Եթե անգամ դրանք լինեն, այդ փոխադրումները ավելի թանկ կարժենան, քան Վերին Լարսի անցակետով արտահանելը»,- եզրափակեց նա։
ՔՊ–ական պատգամավորը չի ցանկանում մասնակցել Կաթողիկոսին հեռացնելու նախաձեռնությանը
Ռազմիկ Մկրտչյանին փոխարինողը՝ սկանդալում
Իրանական ավելի քան 150 ԱԹՍ հատել Է Իրաքի օդային սահմանը
Ստեղ ես եմ նախագահը, ինձ հետ չեք կարող խոսել կամ չխոսել. Ծովինար Վարդանյանը՝ Կյուրեղյանին (տեսանյութ...
«Ես չեմ պատրաստվում աջակցել դեր խաղացող մարդուն». Գեղամ Նազարյանը՝ իմպիչմենտի մասին
Սարգսյանը շարունակում է Փաշինյանի հետ համատեղ խաղը՝ Ռոբերտ Քոչարյանին և նրա քաղաքական ուժին վարկաբեկ...
Հենց կտեսնեմ, որ ՔՊ-ից 25 հոգի միացել է այդ ստորագրահավաքին, ես կմիանամ
Կրեմլը հուսով է, որ Բաքուն Ղրիմը կճանաչի որպես Ռուսաստանի մաս, ինչպես Մոսկվան է Ղարաբաղը ճանաչել որպ...
Փոխվում է դեպի Վրաստան և հակառակ ուղղությամբ ոչ կանոնավոր ուղևորափոխադրումների կարգը
ԱԳՆ-ն աշխատանքից հեռացրել է Փաշինյանի առջև դրոշը գլխիվայր դրած աշխատակցին