ՅՈՒՆԵՍԿՕ-ի ցանկում ներառվել են «Երկրային խնձորը», «Ադայի ավետարանը», Մանեսի ձեռագիրը եւ Հանզայի փաստաթղթերը
Միանգամից չորս օբյեկտ Գերմանիայից ներառվել են ՅՈՒՆԵՍԿՕ-ի համաշխարհային վավերագրական ժառանգության պաշտպանության «Աշխարհի հիշողություն» ծրագրի ցանկում։ Ընդհանուր առմամբ, այս միջազգային ռեեստրն այժմ ներառում է մոտ հինգ հարյուր պատմական արխիվներ, փաստաթղթեր, ձեռագրեր եւ այլ մշակութային արժեքներ տարբեր երկրներից, որոնցից գրեթե երեսունը Գերմանիայից:
ՅՈՒՆԵՍԿՕ-ի կայքի համաձայն՝ 2023 թվականի մայիսին հատուկ խորհրդատվական կոմիտեն հաստատել է աշխարհի ամենահին գլոբուսին` Մարտին Բեհեյմի «Երկրային խնձորին», Կառլոս մեծ կայսեր պալատական գրքի արհեստանոցի ձեռագրերին, միջնադարյան աշխարհիկ պոեզիայի ժողովածուին՝ Մանեսի ձեռագրին, ինչպես նաեւ Հանզայի միության՝ Հյուսիսարեւմտյան Եվրոպայի ազատ առեւտրային քաղաքների միության պատմական փաստաթղթերին ու պատվոգրերին այս կարգավիճակը շնորհելու հայտերը։
«Երկրային խնձորն» իրենից ներկայացնում է Երկրի աշխարհի ամենահին պատկերումը՝ գնդի տեսքով, որը պահպանվել է մինչ օրս։ «Բեհեյմի գլոբուսը»-ը ստեղծվել է 1490-ականների սկզբին Նյուրնբերգում, որտեղ այն այժմ պահվում է Գերմանիայի ազգային թանգարանում։
Գլոբուսի վրա, որը համարվում է իր ժամանակի քարտեզագրության եզակի ձեռքբերում, դեռ չկա Նոր աշխարհը՝ Ամերիկան, բայց պատկերված են Եվրոպան, Ասիայի եւ Աֆրիկայի մեծ մասը։
VIII դարի վերջին եւ IX դարի սկզբին ստեղծված Կառլոս Մեծ կայսեր պալատական գրքի արհեստանոցի տասը ձեռագրերը Կարոլինգյան դարաշրջանի ամենակարեւոր պատկերազարդ ձեռագրերից են։ Այժմ դրանք գտնվում են Գերմանիայի, Ֆրանսիայի, Մեծ Բրիտանիայի, Ավստրիայի եւ Ռումինիայի տարբեր արխիվներում։
«Աշխարհի հիշողություն» ծրագրի համար համատեղ հայտը համակարգել է Գերմանիայի Տրիրա քաղաքի գիտականգրադարանը, որտեղ գտնվում է եզակի «Ադայի ավետարանը»:
Մանեսի ձեռագիրը կամ Մանեսի երգարանը պահվում է Հեյդելբերգի համալսարանական գրադարանում, որը հայտնի է նաեւ որպես Մեծ Հեյդելբերգի երգարան։
«Աշխարհի հիշողություն» ծրագիրը ներառում է նաեւ ընդհանուր առմամբ վեց երկրների 17 պատմական փաստաթղթեր ՝ Հանզայական միության ավելի քան 600 տարվա պատմության ամենակարեւոր վկայությունները։ Միությունը իր ծաղկման շրջանում ներառում էր հյուսիսարեւմտյան Եվրոպայի մոտ երկու հարյուր առեւտրային քաղաքներ:
Փոխվում է դեպի Վրաստան և հակառակ ուղղությամբ ոչ կանոնավոր ուղևորափոխադրումների կարգը
Ռազմիկ Մկրտչյանին փոխարինողը՝ սկանդալում
Սարգսյանը շարունակում է Փաշինյանի հետ համատեղ խաղը՝ Ռոբերտ Քոչարյանին և նրա քաղաքական ուժին վարկաբեկ...
«Ես չեմ պատրաստվում աջակցել դեր խաղացող մարդուն». Գեղամ Նազարյանը՝ իմպիչմենտի մասին
Իրանական ավելի քան 150 ԱԹՍ հատել Է Իրաքի օդային սահմանը
Ստեղ ես եմ նախագահը, ինձ հետ չեք կարող խոսել կամ չխոսել. Ծովինար Վարդանյանը՝ Կյուրեղյանին (տեսանյութ...
Հենց կտեսնեմ, որ ՔՊ-ից 25 հոգի միացել է այդ ստորագրահավաքին, ես կմիանամ
Կրեմլը հուսով է, որ Բաքուն Ղրիմը կճանաչի որպես Ռուսաստանի մաս, ինչպես Մոսկվան է Ղարաբաղը ճանաչել որպ...
ԱԳՆ-ն աշխատանքից հեռացրել է Փաշինյանի առջև դրոշը գլխիվայր դրած աշխատակցին
ՔՊ–ական պատգամավորը չի ցանկանում մասնակցել Կաթողիկոսին հեռացնելու նախաձեռնությանը