ԵԼ․ Մխիթարյանը մասնակցեց «Ռոմայի» հաղթանակին, օրվա բոլոր արդյունքները (տեսանյութ)

Ֆուտբոլի Եվրոպայի լիգայի խմբային մրցաշարի չորրորդ տուրում իտալական «Ռոման» հյուրընկալվեց ռումինական «Կլուժին» եւ առավելության հասավ 2։0 հաշվով։

Հանդիպման հաշիվը բացվեց 49-րդ րոպեին «Կլուժի» խորվաթ հարձակվող Գաբրիել Դեբելյուխի ինքնագոլի պատճառով։ 67-րդրոպեին ֆրանսիացի կիսապաշտպան Ժորդան Վերետուն 11 մետրանոցից կրկնապատկեց «Ռոմայի» առավելությունը։

Հայաստանի հավաքականի եւ «Ռոմայի» կիսապաշտպան Հենրիխ Մխիթարյանը փոխարինման դուրս եկավ 67-րդ րոպեին։

«Ռոման» 10 միավորով A խմբում առաջին տեղում է եւ ապահովեց փլեյ-օֆֆի ուղեգիրը։

Եվրոպայի լիգա, չորրորդ տուր

A խումբ

«ՉՖՌ Կլուժ» (Ռումինիա) - «Ռոմա» (Իտալիա)՝ 0։2 

«ԲԿՄԱ Սոֆիա» (Բուլղարիա) - «Յանգ Բոյզ» (Շվեյցարիա)՝ 0։1