Իբիշևիչը հրաժարվել է աշխատավարձ ստանալ

Սեպտեմբերի 3-ին «Շալկեն» հայտարարեց հարձակվող Վեդադ Իբիշևիչի տեղափխության մասին` որպես ազատ գործակալ: 36-ամյա բոսնիացին մեկ տարվա պայմանագիր է կնքել հանքափորների հետ:

Հատկանշական է, որ վետերանը որոշել է անվճար խաղալ «Շալկեում»: Ակումբը ֆուտբոլիստի ամբողջ աշխատավարձը կտրամադրի բարեգործությանը: Այդ մասին հայտնել է ակումբի մամուլի ծառայությունը։

«Ես եկել եմ այստեղ՝ Բունդեսլիգայում խաղալու համար, ոչ թե փող աշխատելու: Մենք պայմանավորվեցինք, որ ես աշխատավարձ չեմ ստանալու, այլ միայն այն գումարը կստանամ, որն անհրաժեշտ է ապահովագրությունը ծածկելու համար: Իմ աշխատավարձը գնալու է բարեգործության: Ես միայն բոնուսների համար եմ խաղալու», – ասել է Իբիշևիչը:

2019/20 մրցաշրջանում 36-ամյա հարձակվողը «Հերտայի» կազմում անցկացրել է 27 հանդիպում բոլոր մրցաշարերում, խփել 7 գոլ ու կատարել երեք գոլային փոխանցում: Նախկինում ֆուտբոլիստը խաղացել էր ՊՍԺ-ում, Դիժոնում, Ալեմանիայում, Հոֆենհայմում և Շտուտգարտում: