Ռամոս. Արդար չէր լինի, եթե հաղթեր Գերմանիան

Իսպանիայի ազգային հավաքականի ավագ Սերխիո Ռամոսը խոսել է Ազգերի լիգայի առաջին տուրի՝ Գերմանիայի հետ խաղում գրանցված ոչ ոքիի մասին:

«Այս հանդիպումը ցույց տվեց, որ պետք է պայքարել մինչև վերջին վայրկյանը: Մենք լավ հանդիպում անցկացրեցինք և կարևոր միավոր վաստակեցինք:

Արդար չէր լինի, եթե հաղթեր Գերմանիան: Ուրախ եմ, որ մեր թիմում կան ֆուտբոլիստներ, որոնք պատրաստ են պայքարել մինչև վերջին վայրկյանը»,- Ռամոսի խոսքը փոխանցում է ՈւԵՖԱ-ի մամուլի ծառայությունը:

Հիշեցնենք, որ Գերմանիա - Իսպանիա հանդիպումն ավարտվեց ոչ ոքի՝ 1:1 հաշվով: Իսպանիայի հավաքականին հանդիպման ավելացված ժամանակի 6-րդ րոպեին պարտությունից փրկեց «Վալենսիայի» հարձակվող Խոսե Լուիս Գայան:

Երեկ կայացած մյուս խաղերում գրանցվեցին հետեւյալ հաշիվները.

A լիգա խումբ 4

Ուկրաինա-Շվեյցարիա 2:1

B լիգա խումբ 3

Ռուսաստան-Սերբիա 3:1
Թուրքիա-Հունգարիա 0:1 

B լիգա խումբ 4

Բուլղարիա-Իռլանդիա 1:1
Ֆինլանդիա-Ուելս 0:1 

C լիգա խումբ 3 

Մոլդովա-Կոսովո 1:1
Սլովենիա-Հունաստան 0:0

D լիգա խումբ 1 

Լատվիա-Անդորրա 0:0 
Ֆարերներ-Մալթա 3:2