Հավերցը 5 տարվա պայմանագիր կկնքի «Չելսիի» հետ

Գերմանական «Բայերի» գերմանացի կիսապաշտպան Կայ Հավերցը, ամենայն հավանականությամբ, մարզական կարիերան կշարունակի Լոնդոնի «Չելսիում»:

The Times-ի տեղեկություններով՝ «Չելսին» վերջնական համաձայնության է եկել Հավերցի անձնական պայմանագրի կետերի հարցում: Լոնդոնյան ակումբը 21-ամյա ֆուտբոլիստի հետ կկնքի 5 տարվա պայմանագիր:

«Չելսին» դեռևս համաձայնության չի եկել «Բայերի» հետ Հավերցի տրանսֆերային արժեքի հարցում: Բանակցությունները շարունակվում են:

Հավերցի պայմանագիրը «Բայերի» հետ նախատեսված է մինչեւ 2022թ․ հունիս։ Transfermarkt-ը նրա տրանսֆերը գնահատում է 81 միլիոն եվրո։