Փարիզին 110 հանդիպում էր անհրաժեշտ ՉԼ-ի եզրափակիչ հասնելու համար

Ֆրանսիական «Պարի-Սեն Ժերմենը», որը Չեմպիոնների լիգայի կիսաեզրափակչում 3-0 հաշվով հաղթել է «ՌԲ Լայպցիգին» ու իր պատմության մեջ առաջին անգամ դուրս է եկել մրցաշարի եզրափակիչ, թարմացրել է Չեմպիոնների լիգայի՝ 14 տարվա վաղեմության հակառեկորդներից մեկը:

Opta-ն վստահեցնում է, որ ՊՍԺ-ից 110 հանդիպում է պահանջվել անցկացնել Չեմպիոնների լիգայում, որպեսզի առաջին անգամ հայտնվի մրցաշարի եզրափակչում: Նախկին հակառեկորդը պատկանում էր «Արսենալին», որին դրա համար 90 խաղ է անհրաժեշտ եղել՝ 1971-ից 2006 թվականներն ընկած ժամանակահատվածում: Ընդ որում, «զինագործները», որոնք 2005/06 մրցաշրջանում հայտնվել են ՉԼ եզրափակչում, այնտեղ 1-2 հաշվով զիջել են «Բարսելոնային»:

Հիշեցնենք՝ Չեմպիոնների լիգայում իր ուղին ՊՍԺ-ն սկսեց խմբային փուլից, որում 18 հնարավորից վաստակեց 16 միավոր՝ մրցելով Մադրիդի «Ռեալի», բելգիական «Բրյուգեի» և թուրքական «Գալաթասարայի» հետ: Մրցաշարի 1/8 եզրափակչում ՊՍԺ-ն ընդհանուր 4-1 հաշվով ուժեղ գտնվեց Դորտմունդի «Բորուսիայից», իսկ քառորդ եզրափակչում 2-1 հաշվով առավելության հասավ «Ատալանտայի» նկատմամբ (2-1: