«Կայրաթը» հաղթեց . Կամո Հովհաննիսյանը մասնակցեց հանդիպմանը

Եվրոպայի լիգայի որակավորման առաջին փուլում Երևանի «Նոայի» մրցակից ղազախական «Կայրաթը» երկարատև ընդմիջումից հետո առաջին հանդիպումն է անցկացրել:

Ղազախստանի առաջնության չորրորդ տուրում «Կայրաթը» ուժերը չափեց «Կասպիի» հետ և հաղթանակ տարավ 3:0 հաշվով:

Հայաստանի հավաքականի կիսապաշտպան Կամո Հովհաննիսյանը փոխարինման է դուրս եկել հանդիպման 58-րդ րոպեին:

«Կայրաթն» իր վերջին հանդիպումն անցկացրել էր հուլիսի 1-ին:

Եվրոպայի լիգայի առաջին որակավորման փուլի հանդիպումները տեղի կունենան օգոստոսի 27-ին։ Ամեն զույգում կանցկացվի մեկ հանդիպում։