Հարոյանը կարող է հեռանալ Ուրալից և տեղափոխվել Լեհաստան

Հայաստանի ազգային հավաքականի և «Ուրալի» պաշտպան Վարազդատ Հարոյանը կարող է հեռանալ Եկատերինբուրգի «Ուրալից» արդեն այս տրանսֆերային պատուհանի ընթացքում: Այս մասին հայտնի է դարձել Sport24-ին:

Խոսքը ռուսական ակումբներից մեկը վարձակալության հիմունքներով տեղափոխվելու մասին է: 27-ամյա հայ ֆուտբոլիստի ծառայություններով հետաքրքրված է նաև Լեհաստանի առաջնությունում բարձր հորիզոնականներ զբաղեցնող ակումբներից մեկը, որի անունը չի նշվում:

Հարոյանը 2017 թվականից է հանդես գալիս «Ուրալում» և եկատերինբուրգյան ակումբի կազմում 62 հանդիպման է մասնակցել՝ դառնալով 3 գոլի և 2 գոլային փոխանցման հեղինակ:

Նախքան «Ուրալ» տեղափոխվելը, Հարոյանը հանդես է եկել Հայաստանում և Իրանում: