Դրամատիկ վերջաբան Ատալանտա-ՊՍԺ խաղում

Ֆուտբոլի Չեմպիոնների լիգայի մեկ քառորդ եզրափակիչ Ատալանտա-ՊՍԺ խաղում, որը կայացավ Պորտուգալիայում, տեղի ունեցան դրամատիկ իրադարձություններ:

Ամբողջ խաղի ընթացքում իրենց բավական վստահ էին զգում Ատալանտայի ֆուտբոլիստները, որոնք անգամ կարողացան 27-րդ րոպեին Պասալիչի հարվածից հետո առաջ անցնել հաշվի մեջ:

90-րդ րոպեին հաշիվը դեռ 1:0 էր եւ տպավորություն կար, որ ՊՍԺ-ն արդեն համակերպվել է պարտության հետ, թեեւ պետք է ասել, որ Մբապեի խաղադաշտ դուրս գալուց հետո ՊՍԺ-ի խաղը որակապես փոխվել էր:

Եւ հենց 90-րդ րոպեին Մարկինիոսը խառնաշփոթ իրավիճակում կարողացավ հավասարեցնել հաշիվը, իսկ մեկուկես րոպեա անց արդեն գոլի հեղինակ դարձավ Չուպո Մոտինգը, եզրափակելով Մբապեի փոխանցումը:

Այսօր կկայանա Լայպցիգ-Ատլետիկո խաղը:

Top-News.am