2020 թվականին «Ոսկե գնդակի» մրցանակաբաշխություն չի անցկացվի

2020 թվականին «Ոսկե գնդակի» մրցանակաբաշխություն չի անցկացվի, այս մասին հայտարարել է մրցանակաբաշխության կազմակերպիչ France Football-ը:

Մրցանակաբաշխության կազմակերպիչները նշել են, որ 2020 թվականի լավագույն ֆուտբոլիստին որոշելը անհնար կլինի կորոնավիրուսի պանդեմիայով պայմանավորված ֆուտբոլային դադարի պատճառով:

France Football-ի կողմից 2019 թվականի լավագույն ֆուտբոլիստ ճանաչվել էր կատալոնական «Բարսելոնայի» ու Արգենտինայի ազգային հավաքականի առաջատար Լիոնել Մեսին:

Նշենք, որ «Ոսկե գնդակ» մրցանակին արժանանում է այն ֆուտբոլիստը, որը ստացել է պրոֆեսիոնալ լրագրողների, ազգային հավաքականների ավագների ու մարզիչների առավելագույն թվով ձայները: