Գերմանական կրքեր՝ առանց երկրպագուների

Կորոնավիրուսային համավարակով պայմանավորված չնախատեսված ընդհատումից հետո վերսկսվել է ֆուտբոլի Գերմանիայի առաջնությունը: Ընթանում են թեժ եւ հետաքրքիր հանդիպումներ, բայց առանց երկրպագուների:

27-րդ տուրում կայացել է վեց հանդիպում: Բրունո Լաբադիան համավարակից հետո գլխավորեց Բեռլինի Հերտան եւ երկրորդ անընդմեջ հաղթանակը տարավ՝ այս անգամ 4:0 հաշվով Բեռլինի նկատմամբ: Երկու խաղում Լաբադիայի գլխավորությամբ Հերտան խձել է յոթ գոլ, իսկ սեփական դարպասը պահել անառիկ, ինչպես կասեր Սուրեն Բաղդասարյանը:

Այժմ Հերտան 34 միավորով արդեն տասներորդ տեղում է: Սկզբունքային խաղում Մյունխենգլադբախը սեփական դաշտում 3:1 հաշվով պարտվեց Բայերից եւ նահանջեց, հայտնվելով չորրորդ տեղում, իսկ Բայերը վաստակեց 53 միավոր, մեկ միավոր առաջ անցավ Մյունխենգլադբախից եւ հայտնվեց երրորդ տեղում:

Երկրորդ տեղում 57 միավորով Դորտմունդն է, որը մրցակցի դաշտում 2:0 հաշվով հաղթեց Վոլֆսբուրգին:

Առաջին տեղում Բավարիան է, որը Այնտրախտին 5:2 հաշվով հաղթելուց հետո Դորտմունդից պահպանում է չորս միավորի առավելությունը:

Ֆրայբուրգը տանը 1:0 հաշվով պարտվեց Վերդերից, իսկ Պադերբորդն-Հոֆենհայմ հանդիպումն ավարտվեց 1:1 հաշվով:

Պադերբորնը վերջին, իսկ Վերդերը նախավերջին տեղերում են:

Երկրորդ Բունդեսլիգայում եւս հանդիպումները վերսկսվել են: Այստեղ առաջին տեղում հայերի համակրանքը վայելող Արմինիա ակումբն է, որը այսօր Երեւանի ժամանակով 15.30-ին սկսբունքային խաղում մրցելու է Համբուրգի հետ, որն էլ երկրորդն է եւ առաջատարից հետ է մնում յոթ միավորով:

Երրորդ տեղում Շտուտգորտն է, որը հանդիպելու է Հոլստեն Քիլի հետ: