ՈւԵՖԱ նախագահ․ Հին ու բարի ֆուտբոլը շուտով կվերադառնա

ՈւԵՖԱ նախագահ, 52-ամյա սլովենացի Ալեքսանդր Չեֆերինը հույս է հայտնել, որ կորոնավիրուսի պանդեմիայի հետեւանքով դադարեցված մրցաշրջանը շուտով կվերսկսվի։

«Մարդկությունը կհաղթահարի կորոնավիրուսի պանդեմիան։ Մենք տեսանք, թե ինչքան խոցելի է մեր աշխարհը։ Ֆուտբոլը ստեղծված է դրական էներգիայից, եւ մինչեւ այն չվերադառնա, մարդիկ չեն ունենա զգացում, թե ամեն ինչ նորմալ է։ Ֆուտբոլը կարճ ժամանակով կփոխվի։ Այն արդեն տեսել է պատերազմներ եւ համաճարակներ անցյալում։

Հին ու բարի ֆուտբոլը շուտով կվերադառնա։ Մենք կցանկանայինք, որ դա շուտ տեղի ունենար, բայց ամեն ինչ կախված է պետական մարմինների որոշումներից։ Համեմատաբար շուտով հանդիպումները կվերսկսվեն փակ դռների հետեւում եւ բոլոր բժշկական պահանջների կիրառմամբ։ Ամեն ինչ որոշում է քաղաքականությունը»,- Չեֆերինի խոսքը մեջբերում է Nova.rs-ը։

ՈւԵՖԱ-ում հույս ունեն ամռանը վերսկսել եվրագավաթային մրցաշարերը եւ ավարտին հասցնել մինչեւ օգոստոսի վերջ։