Լուիշ Ֆիգու․ Ռոբերտո Մանչինին նվաստացնում էր ինձ

Միլանի «Ինտերի» եւ Պորտուգալիայի հավաքականի նախկին ֆուտբոլիստ Լուիս Ֆիգուն պատմել է իտալական թիմում գլխավոր մարզիչ Ռոբերտո Մանչինիի հետ բարդ հարաբերությունների մասին։ Նրանք «Ինտերում» միասին աշխատել են 2005-2008 թվականներին։

«Սկզբում ամեն ինչ գերազանց էր «Ինտերում», բայց հետո հարաբերությունները Մանչինիի հետ սրվեցին։ Մենք չէինք հասկանում իրար մարդկային հարաբերությունների մակարդակում։ Նա ինձ նվաստացնում էր։ Ես տանջվում էի «Ինտերում», 34-34 տարեկան էի, եւ եղել են իրավիճակներ, որոնցում պետք է չհայտնվեի։

Երբ 34 տարեկան ես, գիտես, թե ինչ կարող ես առաջարկել ակումբին։ Նախավարժանք անել 85 րոպե, հետո խաղադաշտում անցկացնել 3 րոպե՝ նորմալ չէ։ Պետք է լինել պրոֆեսիոնալ, հարգանք դրսեւորել եւ հասկանալ, որ առանց դրա ֆուտբոլիստի հետ հարաբերությունները չեն լինի նախկինի նման»,- 47-ամյա Ֆիգուի խոսքը մեջբերում է Forza Italian Football-ը։

Ֆիգուն «Ինտերի» հետ դարձել է Իտալիայի քառակի չեմպիոն, գավաթակիր եւ սուպերգավաթակիր։ «Ինտերը» նրա կարիերայի վերջին ակումբն էր։ Դրանից առաջ հանդես է եկել Լիսաբոնի «Սպորտինգում», «Բարսելոնայում» եւ Մադրիդի «Ռեալում»։