Գերմանիայում ցանկանում են մայիսի 9-ին վերսկսել Բունդեսլիգայի մրցաշրջանը

Գերմանիայի առողջապահության նախարար Իենս Շպանը հայտարարել է, որ արդեն մայիսի 9-ին հնարավոր է վերսկսել ֆուտբոլի Գերմանիայի առաջնությունը, հաղորդում է Bild-ը։

Կորոնավիրուսի պանդեմիայի հետեւանքով առաջնությունը դադարեցված է մարտի 16-ից։ Գերմանիայի ֆուտբոլային լիգան որոշել էր հանդիպումներ չանցկացնել մինչեւ ապրիլի 30-ը։

«Առանց հանդիսականների հանդիպումների անցկացումն արդեն հնարավոր է։ Շատ կարեւոր է, որ վարակման ռիսկը լինի նվազագույն։ Մայիսի 9-ից հանդիպումների կազմակերպումը լավ նշան կլինի միլիոնավոր ֆուտբոլային ֆանատների համար»,- ասել է առողջապահության նախարարը։

Գերմանիայի ֆուտբոլային թիմերն անցած շաբաթ վերսկսել են մարզումները։