Լապորտա․ «Բարսելոնան» դարձել է 3 տրիլիոն եկամտի, 3 տրիլիոն ծախսի եւ 3 տրիլիոն պարտքի ակումբ

«Բարսելոնայի» նախկին նախագահ Ժոան Լապորտան հերթական անգամ քննադատել է կատալոնական ակումբի ղեկավարությանը։ Նա մտադիր է 2021 թվականին անցկացվելիք ակումբի նախագահի ընտրությունում առաջադրել իր թեկնածությունը։

«Առաջադրման նախագիծն ինձ ոգեշնչում է։ Ես հավաքում եմ պրոֆեսիոնալների, որոնց վստահում եմ։ Մենք պետք է մտածենք, թե ինչպես ենք շտկելու ակումբի ծայրահեղ վատ ֆինանսական վիճակը։

«Բարսելոնան» դարձել է 3 տրիլիոն եկամտի, 3 տրիլիոն ծախսի եւ 3 տրիլիոն պարտքի ակումբ։ Մտադիր եմ առաջարկել մարզական նախագիծ, որը կբարելավի ակումբի իմիջը»,- Լապորտայի խոսքը մեջբերում է cadenaser-ը։

Հիշեցնենք, որ Ժոան Լապորտան «Բարսելոնայի» 38-րդ նախագահն է: Կատալոնացի քաղաքական գործիչն ակումբը ղեկավարել է 2003-2008 թվականներին:

Ժոան Լապորտան իր թեկնածությունն առաջադրել էր նաև 2015 թվականին տեղի ունեցած ընտրություններում, սակայն ստացած ձայների քանակով պարտվեց կատալոնական ակումբի գործող նախագահ Խոսեպ Մարիա Բարտոմեուին:

«Բարսելոնայի» նախագահի ընտրությունները տեղի կունենան 2021 թվականի հունիսի 30-ին: