Իբրահիմովիչը նշել է, թե որ դեպքում կմնա Միլանում

Շվեդ հարձակվող Զլատան Իբրահիմովիչը 2020/21 մրցաշրջանում կարող է մնալ «Միլանում», եթե իտալական ակումբն ամառային տրանսֆերային պատուհանի ընթացքում ուժեղացնի կազմը, որպեսզի կարողանա պայքար մղել Չեմպիոնների լիգայում հայտնվելու պայքար: Այս մասին հայտնում է Corriere dello Sport-ը:

38-ամյա Իբրահիմովիչը «Միլան» է վերադարձել 2020 թվականի ձմռանը: Այդ ժամանակից ի վեր նա իտալական թիմի կազմում 10 հանդիպման է մասնակցել, որոնցում դարձել է 4 գոլի և 1 գոլային փոխանցման հեղինակ:

Հիշեցնենք ՝ եվրոպական բոլոր առաջնությունները, բացի Բելառուսի առաջնությունից, հետաձգվել են կորոնավիրուսի համավարակի պատճառով: Չեմպիոնների լիգայի ու Եվրոպայի լիգայի խաղերն անորոշ ժամանակով հետաձգվել են:

«Միլանն» այս պահին Ա Սերիայի մրցաշարային աղյուսակի 7-րդ հորիզոնականն է զբաղեցնում՝ Չեմպիոնների լիգայի գոտուն զիջելով 12 միավորով: