Երկրային կյանքին հրաժեշտ տվեց սիրված դերասան Ալեկսեյ Բատալովը (Լուսանկարներ)

Ժողովրդական արտիստ Ալեկսեյ Բատալովը մահացել է Մոսկվայի հիվանդանոցներից մեկում: Այս մասին առաջինը հայտնել է kp.ru կայքը հենվելով դերասանի մոտ ընկեր Վլադիմիր Իվանովի վրա:

Ալեկսեյ Բատալովը 88 տարեկան էր: 

«Նա մահացել է հանգիստ, քնի մեջ: Երեկոյան պառկել է քնելու, իսկ առավոտյան չի արթնացել»,- պատմել է Իվանովը: 

Այս տարվա հունվարին դերասանը վնասել էր ոտքը եւ բարդ վիրահատություն էր տարել:  Փետրվարին նա կրկին վիրահատվել էր: Մայիսին նա նորից հայտնվեց հիվանդանոցում: 

Բատալովը ծնվել է 1928 թվականին: Նա նկարահանվել է ավելի քան 40 ֆիլմերում: Նրա ամենահայտնի դերերից մեկը Գոշայի մարմնավորումն է «Մոսկվան արցունքներին չի հավատում» օսկարակիր կինոնկարում:

Top-News.am