«Գրեմմի»-ից՝ մինչեւ Կարապի լիճ. «մեր փեսա» Քանյե Ուեսթն այսօր դարձավ 40 տարեկան

Խոստովանեք՝ Կարապի լճի մոտակայքում զբոսնելիս մինչ օրս շատերս դրական հիշողություններ ենք վերապրում, որոնք հիմնականում կապված են աշխարհահռչակ ռեփեր, «Գրեմմի»-ի մրցանակակիր եւ պարզապես մեր սիրելի Քիմ Քարդաշյանի ամուսին Քանյե Ուեսթի՝ 2015 թ-ի մենահամերգի հետ: Այդ օրը երգիչը ոչ միայն հայ երկրպագուներին ուրախացրեց իր հիթային կատարումներով, այլեւ ոչ ավել, ոչ պակաս, ցատկեց Կարապի լիճը՝ իր հետեւից տանելով մի շարք երկրպագուների:

Իհարկե, գտնվեցին երջանիկներ, որոնք հաջողացրին ունենալ սելֆիներ «մեր փեսայի» հետ:

Ինչո՞ւ հիշեցինք այս ամենը՝ մի պարզ ու արդարացված պատճառով. այսօր՝ հունիսի 8-ին, Քանյե Ուեսթը նշում է ծննդյան 40-ամյակը:

Հայտնի ռեփերի եւ գեղեցկուհի հայուհու սիրո պատմությունն ու ամուսնական կյանքն ամեն օր քննարկում են լրատվամիջոցներում: Այսօր փորձենք լինել ավելի օրիգինալ եւ ներկայացնենք Ուեսթի հայտնի եւ հետաքրքիր մեջբերումներից մի քանիսը.

«Քիթդ բարձրացրու դեպի երկինք, սիրտդ բաց արա Աստծո առաջ, իսկ դեմքդ ուղղիր դեպի պայծառ արեւը»:

«Եթե քեզ հնարավորություն է տրված խաղալ կյանքի խաղը, ապա սովորիր գնահատել դրա յուրաքանչյուր վայրկյանը: Շատերը դա չեն գնահատում, մինչեւ չեն կորցնում»:

«Դու կհավատայի՞ր մի բանի, որին միայն դու ես հավատում»:

«Այո, ես կարծում եմ՝ ես լավագույնն եմ»:

«Հավատում եմ, որ երկնքի մի անկյունից հրեշտակներն ինձ հետեւում են»:

«Կյանքում ոչինչ քեզ չեն կարող խոստանալ, բացի մահվանից»:

«Ես ոչնչից երբեք այնքան լավ չեմ եղել, որքան սովորելուց»:

«Ոչ ոք ինձ չի կարող թելադրել, թե ուր գնամ, իսկ ուր՝ ոչ»:

«Ես իսկապես վայելում եմ իմ հաղթանակի րոպեները»:

«Ես ոչ ցանկանում եմ լինել ձանձրալի, ոչ էլ ուզում եմ չափից դուրս նորամուծություններ ստեծող լինել»:

«Իմացիր քո գինը: Մարդիկ միշտ էլ իրենց պահում են այնպես, ասես իրենք քեզ համար ավելի շատ բան են անում, քան դու՝ իրենց»:

Հ. Գ. Շնորհավոր ծնունդդ, Քանյե :)

NEWS.am STYLE