Հայաստանի մրցակիցները հայտնի կդառնան ուշ երեկոյան

ՈւԵՖԱ-ի 44-րդ կոնգրեսը Եվրոպայի 2020 թվականի առաջնության մեկնարկից 100 օր առաջ` մարտի 3-ին, Ամստերդամում կանցկացնի Ազգերի լիգայի 2020/21 մրցաշրջանի խմբային փուլի վիճակահանությունը:

ՀՖՖ պատվիրակությունը, բնականաբար, մեկնել է Նիդերլանդներ` մասնակցելու վիճակահանությանը. Հայաստանի ազգային հավաքականը, որն ընդգրկվել է C դիվիզիոնի 4-րդ զամբյուղում այսօր կիմանա իր մրցակիցներին:

Մեր ընտրանու մրցակիցները կլինեն C դիվիզիոնի մյուս 3 զամբյուղներից մեկական թիմ.

C դիվիզիոն

1-ին զամբյուղ. Հունաստան, Ալբանիա, Չեռնոգորիա, Վրաստան

2-րդ զամբյուղ. Հյս. Մակեդոնիա, Կոսովո, Բելառուս, Կիպրոս

3-րդ զամբյուղ. Էստոնիա, Սլովենիա, Լիտվա, Լյուքսեմբուրգ

4-րդ զամբյուղ. Հայաստան, Ադրբեջան, Ղազախստան, Մոլդովա

Վիճակահանությունը կմեկնարկի Երեւանի ժամանակով 21:00-ին:

Ազգերի լիգայի խմբային փուլի հանդիպումները կանցկացվեն 2020 թվականի սեպտեմբերից նոյեմբեր ամիսներին, իսկ եզրափակիչը` 2021 թվականին:

Ազգերի լիգայի երկու ամենաուժեղ թիմերը իրավունք կստանան մասնակցելու աշխարհի առաջնությանը:

Հաշվի առնելով, թե ինչ իրավիճակ է այժմ հայկական ֆուտբոլում եւ առկա բարոյահոգեբանական մթնոլորտը, կարելի է միանգամից ասել, որ անգամ խմբում երրորդ տեղ գրավելը կարելի է համար մեծ հաջողություն:

Առաջին երեք զամբյուղներում ընդգրկված թիմերից այսօր Հայաստանի հավաքականը գուցե կարողանա միայն ոչ-ոքի խաղալ Էստոնիայի կամ Մոլդովայի հավաքականների հետ, այն էլ ուժերի գերլարման շնորհիվ:

Top-News.am