Զիդան․ Շատ բարդ խաղում չհերիքեց 10 րոպե կենտրոնացվածություն

Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է Չեմպիոնների լիգայի 1/8 եզրափակիչի առաջին խաղում անգլիական «Մանչեսթեր Սիթիից» կրած 1։2 հաշվով պարտությունը։

«75 րոպե լավ էինք խաղում։ Մենք դժգոհ ենք պարտությունից, բայց դիմակայությունը տեւում է 180 րոպե։ Հիմա պետք է այս ամենում գտնենք ինչ-որ դրական բան։ Արդյունքում ոչ մի լավ բան չկա, բայց մենք լավ էինք խաղում, եթե հաշվի չառնենք վերջին րոպեները։ Պաշտպանություն սխալներ եղան, բայց դա ֆուտբոլի մի մասն է։ Շատ բարդ խաղում չհերիքեց 10 րոպե կենտրոնացվածություն, եւ մենք թանկ վճարեցինք դրա համար»,- Զիդանի խոսքը մեջբերում է AS-ը։

Հիշեցնենք, որ Մադրիդում տեղի ունեցած հանդիպման մինչեւ 78-րդ րոպեին Արքայական թիմը հաղթում էր 1։0 հաշվով, սակայն 4 րոպեում երկու գոլ բաց թողեց։

Թիմերի պատասխան հանդիպումն Անգլիայում տեղի կունենան մարտի 17-ին:

Չեմպիոնների լիգա, 1/8 եզրափակիչ

«Ռեալ Մադրիդ» - «Մանչեսթեր Սիթի»՝ 1:2 (տեսանյութ)

Իսկո, 60 - Գաբրիել Ժեզուս, 78, Կևին դե Բրույնե, 82 (11մ)