«Ատլետիկոն» կրկին հաղթեց տաղտկալի խաղով

Սկսվեցին ֆուտբոլի Չեմպիոնների լիգայի 1/8-րդ եզրափակչի հանդիպումները: Առաջինը պայքարի մեջ մտան Մադրիդի Ատլետիկոն, Լիվերպուլը, Դորտմունդի Բորուսիան եւ Պարի Սեն Ժարմենը:

Մադրիդում Ատլետիկոն ընդունել էր Չեմպիոնների լիգայի ներկայիս գավաթակիր Լիվերպուլին: Հանդիպման ամենասկզբում անկյունայինի խաղարկման ժամանակ գնդակը լիվերպուլցիների պաշտպանի ոտքից հայտնվեց Սաուլի մոտ, որն էլ երկու մետրից գրավեց հյուրերի դարպասը:

Դրանից հետո Ատլետիկոն միայն պաշտպանվում էր, երբեմն-երբեմն հակագրոհի փորձ անում, վուցադրում իրենց բնորոշ տաղտկալի խաղը, իսկ լիվերպուլցիներն այդպես էլ չկարողացան հավասարեցնել հաշիվը, չնայած խաղաժամանակի յոթանասուն տակոսն իրենք էին գնդակով:

Երեկ կայացած մյուս խաղում շատերի համար անակնկալ կերպով Դորտմունդի Բորուսիան 2:1 հաշվով հաղթեց Պարի Սեն Ժարմենին: Ընդ որում, դաշտիօ տերերից երկու անգամ գոլի հեղինակ դարձավ թիմի նորեկ Հոլանդը, որը շարունակում է գոլեր խփել գրեթե յուրաքանչյուր խաղում:

Top-News.am