NBA-ի աստղերի հանդիպման լավագույն խաղացողի մրցանակը կանվանվի Կոբի Բրայանտի պատվին

ԱՄՆ Բասկետբոլի ազգային ասոցիացիայի՝ NBA-ի Բոլոր աստղերի հանդիպման լավագույն խաղացողին հանձնվող մրցանակը կանվանվի անցյալ ամիս ավիավթարի հետևանքով մահացած Կոբի Բրայանտի պատվին:

Ինչպես փոխանցում է Корреспондент-ը, այս մասին մամլո ասուլիսում հայտարարել է NBA-ի կոմիսար Ադամ Սիլվերը: Բասկետբոլի լեգենդ, «Լոս Անջելես Լեյքերս» թիմի խաղացող Բրայանտն այդ մրցանակին արժանացել է ռեկորդային 4 անգամ:

Հիշեցնենք, որ հունվարի 24-ին ուղղաթիռի կործանման հետևանքով մահացել են Կոբի Բրայանտն ու նրա 13-ամյա դուստրը, որը մտադիր էր գնալ հոր հետքերով և հետաքրքրվում էր բասկետբոլով: Նրանցից բացի, ուղղաթիռում ևս 7 մարդ է գտնվել, ոչ ոք չի փրկվել:

Ուղղաթիռը վարել է հայազգի օդաչու Արա Զոբայանը, որն ամեն ինչ արել է վթարի հետևանքով նվազագույն զոհեր տալու համար: Ավելի ուշ հետաքննությունը պարզել էր, որ նրան ընդամենը մի քանի վայրկյան էր պակասել վթարից խուսափելու համար: