Չինաստանում կորոնավիրուսի բռնկումը կարող է իր գագաթնակետին հասնել փետրվարին

Չինաստանում կորոնավիրուսի բռնկումը կարող է իր գագաթնակետին հասնել փետրվարին, ապա պլատոյի փուլի անցնել՝ ասել է Չինաստանի կառավարության համաճարակների հարցերով բժշկական գլխավոր խորհրդականը:

Reuters-ի հետ զրույցում համաճարակաբան Չժուն Նանշանը, որը միջազգային ճանաչում է ստացել 2003 թվականին ատիպիկ թոքաբորբի դեմ պայքարի համար, ասել է, որ որոշ նահանգներում իրավիճակն արդեն բարելավվում է, եւ հիվանդության նոր դեպքերի թիվը նվազում է:

Փորձագետի խոսքով՝ կանխատեսումն արվել է՝ հաշվի առնելով վերջին օրերին իրադարձությունների զարգացումն ու մոդելավորումը, ինչպես նաեւ կառավարության գործողությունները: «Այդպիսով, մենք ենթադրում են, որ դա, հավանաբար, գագաթնակետը կլինի, ամենայն հավանականությամբ՝ այս ամսվա վերջին… եվ ապա կշարունակվի պլատոյի փուլը»,- ասել է նա:

Նրա կարծիքով՝ վիրուսի բռնկման կենտրոնում՝ Ուհան քաղաքում, վիրուսի զսպման միջոցներն անհրաժեշտ են, ընդ որում, պետք է մեկընդմիշտ արգելել վայրի կենդանիների առեւտուրը:

Չինաստանը նաեւ պետք է կատարելագործի հիվանդության վերահսկման միջոցներն ու մասնակցի վարակիչ հիվանդությունների մասին վաղ ծանուցման գլոբալ համակարգերի ստեղծմանը:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը