Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը

Ռումինիայի մայրաքաղաք Բուխարեստում մի քանի հարյուր մարդ բողոքի ցույցի է դուրս եկել՝ դժգոհելով դպրոցներում դիմակ կրելու պարտադիր պահանջին, հաղորդում է ТАСС-ը:

Մասնակիցները, որոնց մեծ մասը երեխաների հետ են եկել, դիմակ չեն կրել ու չեն պահպանել սոցիալական հեռավորություն՝ վանկարկելով «Ազատությու՛ն», «Մենք ձեզ չենք հավատում», «Կորչի՛ բռնապետությունը» կարգախոսները:

Նմանատիպ ակցիաներ են անցկացվել նաև Կլկուժե-Նապոկե, Տիմիշոարե, Օրադե քաղաքներում:

Ռումինիայի վարչապետ Լուդովիկ Օրբանն էլ, ի պատասխան դժգոհությունների, հայտարարել է, որ աշակերտները դիմակներ պետք է կրեն կորոնավիրուսից պաշտպանվելու համար, իսկ որոշ ծնողների դժգոհությունից տպավորություն է ստանում, թե նրանք «չեն սիրում իրենց երեխաներին»:

Ներկայումս Ռումինիայում հանրային հավաքների մասնակիցների թիվը չի կարող գերազանցել 100-ը, իսկ դիմակ չկրող և սոցիալական հեռավորություն չպահող մասնակիցները կտուգանվեն 10-520 եվրոյի չափով:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Գերմանիան կմեղմացնի անվճարունակության կանոնները՝ համավարակի ընթացքում սնանկության ալիքից խուսափելու համար