Երբ փոքր էի, ես մտածում էի, որ 35 տարեկան հասակում ձկնորսություն եմ անելու Մադեյրայում․ Ռոնալդու

«Յուվենտուսի» հարձակվող Կրիշտիանու Ռոնալդուն, ով երեկ նշում էր իր 35-ամյակը, կիսվել է հետագա կարիերայի իր ծրագրերով, ինչպես նաև հիշել իր մանկությունը:

«Երբ փոքր էի, ես մտածում էի, որ 35 տարեկան հասակում ձկնորսություն եմ անելու Մադեյրայում: Ես չէի պատկերացնում, որ ես խաղալու եմ նման ակումբներում և նվաճելու եմ այդքան տիտղոսներ:

Իմ ապագա՞ն։ Ես կարող եմ վեցերորդ անգամ հաղթել Չեմպիոնների լիգան: «Յուվենտուսի» հետ միասին ես կրկին հաղթելու շանս ունեմ: Դժվար է, բայց մենք ունենք լավ թիմ: Մենք քայլ առ քայլ գնում ենք այդ նպատակին»,- մեջբերում է պորտուգալացուն Abola-ն։