«Բարսելոնայում» կոնֆլիկտ է հասունանում. Մեսին պատասխան է պահանջել ակումբի ղեկավարությունից
Կատալոնական «Բարսելոնայի» ավագ, արգենտինացի հարձակվող Լիոնել Մեսին արձագանքել է ակումբի մարզական տնօրեն Էրիկ Աբիդալի հարցազրույցին:
Sport.es-ին տված հարցազրույցում Աբիդալը հայտարարել է, որ թիմի որոշ ֆուտբոլիստներ մինչև Էռնեստո Վալվերդեի պաշտոնանկությունը չէին աշխատում ամբողջ ուժերով և չէին նվիրվում թիմին:
«Անկեղծ ասած, ես չեմ սիրում խոսել այս թեմայի մասին, սակայն կարծում եմ, որ յուրաքանչյուրը պետք է պատասխանատվություն կրի իր կատարած աշխատանքի համար: «Բարսելոնայի» ֆուտբոլիստները կրում են իրենց պատասխանատվությունը խաղադաշտում և բոլորից լավ են գիտակցում՝ ինչ խնդիրներ կան թիմում:
Մարզական բաժնում աշխատող մասնագետները պետք է պատասխանատու լինեն իրենց ընդունած որոշումների համար, քանի որ այդ որոշումներից են կախված ակումբի ղեկավարումն ու թիմի հաջողությունները:
Վերջապես, երբ խոսում են ֆուտբոլիստների մասին և պնդում են, որ թիմի որոշ խաղացողներ չեն աշխատել ամբողջ ուժերով, ապա պետք է տալ անուններ, այլ ոչ թե դատարկաբանությամբ զբաղվել: «Բարսելոնայի» բոլոր ֆուտբոլիստները համաձայն չեն այդ մտքի հետ և պնդում են, որ այն, ինչ ասվել է, չի համապատասխանում իրականությանը»,- Ինստագրամի իր պաշտոնական էջում գրել է Մեսին:
Հիշեցնենք, որ «Բարսելոնայի» գլխավոր մարզիչի պաշտոնում Էռնեստո Վալվերդեին փոխարինել է Կիկե Սետիենը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն
Բելգիայի դեսպանության բացման պաշտոնական արարողություն՝ Երևանում