Յագո Ասպաս. Սմոլովը թոփ հարձակվող է

Իսպանական «Սելտայի» հարձակվող Յագո Ասպասը խոսել է թիմի նորեկ Ֆյոդոր Սմոլովի մասին, հաղորդում է Sport.es-ը:

«Շատ լավ եմ հիշում Սմոլովին: Նա բարձրակարգ հարձակվող է, ով իրեն հրաշալի է զգում մրցակցի տուգանային հրապարակում:

Մենք ընկերական հանդիպում անցկացրինք Ռուսաստանի հավաքականի հետ (3:3), որտեղ Ֆյոդորը երկու գոլի հեղինակ դարձավ:

Ուրախ եմ, որ նա միացել է մեր թիմին: վստահ եմ՝ միասին շատ գոլերի հեղինակ կդառնանք»,-ասել է Ասպասը:

Հիշեցնենք, որ 29-ամյա ֆուտբոլիստը մինչև մրցաշրջանի ավարտը վարձավճարով հանդես կգա իսպանական ակումբում:

Հավելենք, որ ընթացիկ մրցաշրջանում Սմոլովը «Լոկոմոտիվի» կազմում մասնակցել է 19 հանդիպման՝ դառնալով 4 գոլի և 4 գոլային փոխանցման հեղինակ։