Զավեշտալի միջադեպ Իսպանիայում. մրցավարը հետ է կանչել հեռացված խաղացողին ու կրկին հեռացրել նրան (տեսանյութ)

Ֆուտբոլի իսպանական երկրորդ լիգայի «Ֆուենլաբրադա»-«Ժիրոնա» հանդիպման ընթացքում տեղի է ունեցել զավեշտալի միջադեպ: Խաղի 68-րդ րոպեին գլխավոր մրցավարը տան տերերի կիսապաշտպան Քրիստոբալ Մարկեսին կոպիտ բախման համար ցույց է տվել երկրորդ դեղին քարտն ու հեռացրել դաշտից:

35-ամյա Մարկեսը չի ընդունել մրցավարի որոշումը, սակայն հեռացել է: Նրա թիմակիցները շրջապատել են մրցավարին ու ստիպել են օգտվել VAR համակարգից: Մրցավարն ընդառաջել է, դիտել է տեսակրկնապատկերը և կարճ դադարից հետո փոխել է որոշումն ու հետ կանչել Մարկեսին:

Սակայն Մարկեսը երկար ժամանակ խաղադաշտում չի մնացել: Խաղադաշտ վերադառնալու ընթացքում նա վիճաբանության մեջ է մտել մրցակիցներից մեկի հետ, և վերադարձից ընդամենը 16 վայրկյան անց գլխավոր մրցավարը նորից նրան պատժել է ու այս անգամ վերջնականապես հեռացրել դաշտից:

Տեսանյութը՝ այստեղ