Ա սերիա․ Լացիոն ջախջախեց ՍՊԱԼ-ին, Միլանը չհաղթեց 10 հոգով մնացած Վերոնային

Իտալիայի Ա սերիայի 22-րդ տուրի շրջանակում կայացան մի շարք հանդիպումներ։

Հռոմի «Լացիոն» սեփական հարկի տակ ուժերն էր չափում ՍՊԱԼ-ի հետ։ Սիմոնե Ինձագիի թիմը ջախջախեց մրցակցին 5-1 հաշվով։ Տանտերերի կազմում դուբլի հեղինակ դարձան Չիրո Իմոբիլեն և Ֆելիպե Կայսեդոն։ Մեկ անգամ էլ աչքի ընկավ Բոբի Ադեկանյեն։ Վերջինս խփեց Ա սերիայում իր առաջին գնդակը։ ՍՊԱԼ-ի միակ գնդակը խփեց Սիմենո Միսիրոլին։

«Միլանը» սեփական հարկի տակ ընդունել էր «Վերոնային»։ «Ռոսոներիները» միավորներ կորցրին 22-րդ տուրի խաղում։ Հաշիվը բացվեց 13-րդ րոպեին։ Դավիդե Ֆարաոնին առաջ մղեց հյուրերին։ 29-րդ րոպեին Հական Չալխանողլուն հաղասարեցրեց հանդիպման հաշիվը։ Երկրորդ կեսում «Վերոնան» մնաց 10 հոգով, բայց «Միլանը» չկարողացավ օգտվել թվային առավելությունից։ Խաղն ավարտվեց 1-1 հաշվով։