Արսենալն արգելափակել է Օզիլի տեղափոխությունը քաթարական ակումբ

«Արսենալի» կիսապաշտպան Մեսութ Օզիլը ձմեռային տրանսֆերային պատուհանի վերջին օրը չի կարողացել տեղափոխվել քաթարական ակումբ, հայտնում է The Sun-ը:

Աղբյուրի փոխանցմամբ, գերմանացի կիսապաշտպանը պատրաստ է եղել տեղափոխությանը, սակայն տրանսֆերն արգելափակվել է «Արսենալի» գլխավոր մարզիչ Միկել Արտետայի կողմից: Լոնդոնյան ակումբը կարճ ժամանակում չի կարողացել փոխարինող գտնել Օզիլին:

Լոնդոնի «Արսենալի» 31-ամյա ֆուտբոլիստի պայմանագիրն ակումբի հետ ուժի մեջ է մինչև 2021 թվականը: Գերմանացի կիսապաշտպանն ընթացիկ մրցաշրջանում Պրեմիեր-լիգայի 14 հանդիպման է մասնակցել և դարձել է 1 գոլային փոխանցման հեղինակ:

«Արսենալը» 24 խաղից հետո 30 միավոր է վաստակել և Անգլիայի առաջնության մրցաշարային աղյուսակի 12-րդ հորիզոնականն է զբաղեցնում: Առաջատարը «Լիվերպուլն» է: