Նեյմարը դեղին քարտ է ստացել ծաղրական ժեստի համար

ՊՍԺ-ի հարձակվող Նեյմարը ֆրանսիական Լիգա 1-ի 22-րդ տուրի՝ «Մոնպելյեի» հետ խաղում դարձել է գլխավոր մրցավար Ժերոմ Բրիզարի ոչ միանշանակ որոշման զոհը:

38-րդ րոպեին բրազիլացին իր հնարքի համար զգուշացվել է դեղին քարտով.

Փարիզյան ակումբի պաշտպան Պրեսնել Կիմպեմբեն ասել է, որ մրցավարը ֆուտբոլիստի գործողությունները «ոչ մարզական պահվածք» է որակել:

«Սա անհավանական է: Մրցավարը հայտարարեց, որ Նեյմարի գործողություններում նվաստացուցիչ մի բան կար, այդ իսկ պատճառով նրան զգուշացրեց դեղին քարտով»,- Կիմպեմբեի խոսքերն է փոխանցում Esporte Interativo-ն:

Հանդիպման ընդմիջմանը Նեյմարն իր դժգոհությունն է հայտնել Բրիզարին, որը խնդրել է իրեն ֆրանսերենով դիմել:

Երկրորդ կեսում Նեյմարը գոլային փոխանցման հեղինակ է դարձել, իսկ ՊՍԺ-ն հաղթել է 5:0 հաշվով:

Ընթացիկ մրցաշրջանում 27-ամյա բրազիլացին ՊՍԺ-ի կազմում 18 հանդիպման է մասնակցել, որոնցում դարձել է 15 գոլի և 8 գոլային փոխանցման հեղինակ: