Առանց Մխիթարյան «Ռոման» ծանր պարտություն կրեց հետնապահներից մեկից

Իտալիայի առաջնության 22-րդ տուրում «Սասուոլոն» ընդունեց «Ռոմային»(4:2):

Հանդիպման առաջին խաղակեսը շոկային էր հյուրերի համար: 26 րոպեների ընթացքում նրանք 3 գոլ բաց թողեցին: Դուբլի հեղինակ դարձավ Կապուտոն, մեկ գոլ էլ խփեց Ջուրիչիչը:

«Ռոման» երկրորդ խաղակեսը լիովին այլ տրամադրությամբ սկսեց և 55-րդ րոպեին Էդին Ջեկոն կարողացավ կրճատել հաշվի տարբերությունը:

69-րդ րոպեին կարմիր քարտ ստացավ Պելեգրինին՝ «Ռոմային» թողնելով 10 ֆուտբոլիստներով:

73-րդ րոպեին հռոմեական ակումբը 11 մետրանոցի իրավունք ստացավ: Վերետուն իրացրեց այն և մի պահ թվաց, որ «Ռոման» կարող է փրկել հանդիպումը, բայց ընդամենը մեկ րոպե անց, «Սասուոլոն» խփեց չորրորդ գնդակը:

Հավելենք, որ «գայլերի» հայտացուցակից դարձյալ բացակայում էր Հենրիխ Մխիթարյանը:

Այսպիսով, «Ռոման» մնաց իր 39 միավորով և զբաղեցնում է Ա Սերայի մրցաշարահին աղյուսակի 4-րդ հորիզոնականը: «Սասուոլոն» վաստակեց 26 միավոր և գտնվում է 13-րդ հորիզոնականում:

armsport.am