Ֆուտզալի Հայաստանի հավաքականը մտավ փլեյ-օֆֆ

Ֆուտզալի ԵՎՐՈ-2022-ի ընտրական փուլի շրջանակում կայացավ Բելգիա – Չեռնոգորիա հանդիպումը։ Խաղն ավարտվեց բելգիացիների հաղթանակով 5-1 հաշվով։ Սա նշանակում է, որ մեր ընտրանին 4 միավորով խմբում զբաղեցնում է երկրորդ տեղը ու նվաճում է փլեյ-օֆֆ փուլի ուղեգիր։

Հայաստանի հավաքականը պարտվել է բելգիացիներին, ոչ ոքի խաղացել չեռնոգորացիների հետ եւ հաղթել շոտլանդացիներին: 

Փլեյ-օֆֆ փուլի վիճակահանությունը կկայանա փետրվարի 13-ին, իսկ հանդիպումները՝ ապրիլի 6-15-ը ընկած ժամանակահատվածում:

Փլեյ-օֆֆ դուրս գալուց հետո ֆուտզալի ազգային հավաքականի ֆուտբոլիստները հանդիպել են մրցաշարի ամբողջ ընթացքում Բելգիայում մեր թիմին սատարած երկրպագուներին:

«Շնորհակալություն։ Ձեր աջակցությունն աննկարագրելի էր»,-գրված է ՀՖՖ-ի Facebook-յան պաշտոնական էջում։