Բարսելոնան ու Յուվենտուսը ֆուտբոլիստների փոխանակում իրականացրին

«Բարսելոնան» իր պաշտոնական կայքում հայտնել է «Յուվենտուսի» հետ ֆուտբոլիստների փոխանակման գործարք իրականացնելու մասին:

8.2 մլն եվրոյի դիմաց իտալացիների կազմ է տեղափոխվել 19-ամյա հարձակվող Ալեխանդրո Մարկեսը, իսկ կապտանռնագույնների կազմում վարձակալության հիմունքներով համալրել է 21-ամյա կիսապաշտպան Մաթեուս Պերեյրան, որն ընթացիկ մրցաշրջանի առաջին հատվածը վարձակալությամբ անցկացրել է «Դիժոնում»:

Մարկեսն ընթացիկ մրցաշրջանում ոչ մի հանդիպում չի անցկացրել «Բարսելոնայի» հիմնական թիմի կազմում: Պերեյրան իր հերթին ֆրանսիական Լիգա 1-ի 10 հանդիպման է մասնակցել «Դիժոնի» կազմում՝ աչքի չընկնելով ոչ մի արդյունավետ գործողությամբ:

«Բարսելոնան», 20 խաղից հետո վաստակելո 43 միավոր, իսպանական Պրիմերայի մրցաշարային աղյուսակի առաջին հորիզոնականն է զբաղեցնում: «Յուվենտուսը» 20 տուրից հետո 51 միավոր է վաստակել ու Ա Սերիայի առաջատարն է: