Լիվերպուլը կպայքարի Ռեալի կիսապաշտպանի համար

Անգլիական «Լիվերպուլը» միանում է Մադրիդի «Ռեալի» կիսապաշտպան Իսկոյին գնելու պայքարին, տեղեկացնում է El Desmarque-ն:

«Ռեալի» ղեկավարությունը պատրաստ է 70 միլիոն եվրոյի դիմաց հրաժարվել իսպանացի ֆուտբոլիստի ծառայություններից, սակայն, «Լիվերպուլը» պատրաստ չէ այդքան գումար վճարել:

Նշվում է, որ Չեմպիոնների լիգայի ներկայիս հաղթողը մտադիր է 50 միլիոն եվրո առաջարկել «Արքայական ակումբին»:

Հիշեցնենք, որ Իսկոյի հանդեպ հետաքրքրություն է ցուցաբերում նաև «Չելսին»:

Լա լիգայի այս մրցաշրջանում Իսկոն անցկացրել 11 հանդիպում և դարձել 1 գոլի հեղինակ: